Здравје и убавина
Што е спирулина? Како се користи и дали има нуспојави?
Спирулината доаѓа во форма на зелен прав или во форма на таблети, но всушност е алга која се користи уште од античко време. Се верува дека е едно од најстарите растенија на земјата и се смета за суперхрана.
Содржи многу минерали, витамини и хранливи материи, а се користи за намалување на умор, како и за бројни други проблеми. Сепак, спирулината може да предизвика и несакани ефекти кај некои луѓе.
Што е спирулина?
Спирулината е всушност еден вид сино-зелена алга која расте во морска и свежа вода, а најзастапена е во Австралија и Кина.
Добар извор е на витамините Б1, Б2, Б3, но и на железо, магнезиум, цинк и фосфор. Покрај тоа, содржи и бета каротен, како и здрави киселини.
Спирулината ја користеле уште многу одамна како лек за одредени здравствени состојби и болести. Денес оваа алга се користи како додаток, во форма на прав или во форма на капсули, а се пие по специфични упатства.
Токму поради својот состав, спирулината има многу предности:
Содржи здрави состојки
Само една лажица од овој прав содржи четири грама протеини, 47 отсто од дневниот внес на бакар, 11 отсто од дневниот внес на железо, а содржи и магнезиум, фосфор, манган, како и здрави масни киселини.
Има антиинфламаторни својства
Содржи многу антиоксиданси, кои можат да го заштитат телото од оксидативно оштетување што може да доведе до хронично воспаление. Подеднакво, богата е со витамини и минерали, па затоа е добра за зајакнување на имунитетот.
Го намалува холестеролот
Некои студии покажуваат дека редовното консумирање на спирулина го намалува лошиот холестерол и триглицеридите и го зголемува нивото на добриот холестерол. Токму затоа е добро за срцето бидејќи ги одржува артериите здрави.
Ги ублажува симптомите на алергија
Иако треба да се направат дополнителни истражувања, се верува дека одредени дози од оваа алга може значително да ги намалат симптомите на алергискиот ринитис кои се јавуваат кај луѓето кои се алергични на животински влакна, прашина и полен.
Добро е за мускулите
Спирулината е добра и за спортистите и луѓето кои водат активен живот, бидејќи поради антиоксидансите што ги содржи, ја намалува можноста за оксидативно оштетување што се јавува при вежбање, но и ја подобрува мускулната сила и издржливост.
Дали спирулината има несакани ефекти?
Исто како и сите додатоци, и овој може да има одредени несакани ефекти. Поточно, не треба да го земаат луѓе кои имаат автоимуна болест, луѓе кои земаат лекови кои го зајакнуваат имунолошкиот систем, лекови кои ја разредуваат крвта или лекови за контрола на шеќерот во крвта.
Исто така, не се препорачува за употреба кај деца, како и кај трудници и доилки.
Некои луѓе може да бидат алергични на спирулина, па затоа треба да реагирате кога ќе се појават симптоми по земањето на оваа алга. Спирулината може да содржи и тешки метали и бактерии кои кога се земаат во големи количини, можат да го оштетат црниот дроб. Токму затоа треба да внимавате каде го купувате.
А најдобро е да се консултирате со лекар пред да земете спирулина.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ