Што ги прави тартуфите најскапи печурки во светот?

Низ времето, имало многу занимања кои значеле поминување денови во шума во потрага по скапоцен плен, но многу малку успеале да ја достигнат вредноста на еден тартуф.

Оваа печурка со статус на гастрономски деликатес е толку ценета што се продава на аукции, а луѓето кои ја купуваат се подготвени да издвојат стотици илјади долари за да ја поседуваат. 

Според Worthly.com, во 2010 година, милијардерот Стенли Хо купил тартуф на таква аукција за 330.000 долари. Најголемиот тартуф во светот, тежок 1,89 килограми, беше продаден во 2014 година на аукција организирана од Сотби во Њујорк за 61.250 долари.

Иако има многу видови на оваа габа, не се сите за јадење. Во исхраната обично се користат пет видови тартуфи, од кои најевтин е кинескиот црн тартуф, а најскап е италијанскиот бел тартуф.

БЕЛ ТАРТУФ (лат. Tuber Magnatum Pico) – Најмногу ценет меѓу сите видови тартуфи. Расте од септември до јануари на 1 до 25 см под земја и може да се најде во корените на дабовите, буките и лешниците.

Покрај желбата за собирање тартуфи потребно е и куче кое ќе ја мириса нивната специфична арома. Иако постојат неколку раси кои имаат, така да се каже, генетски предиспозиции за овој вид лов, омилен вид меѓу кучињата тартуфи е Лагото Романиоло. За да добиете едно такво куче, според цените наведени во огласите на интернет во регионот, треба да платите од 150 до 800 евра, а во странство едно кученце може да ве чини од 1.900 до 2.400 евра. 

И тоа е само една од инвестициите. Дополнително, треба да се вложи време во обуката која игра пресудна улога кога е во прашање заработката, а потоа и во самата наплата.

Lagotto Romagnolo е многу стара раса која потекнува од Италија. Првично користено е како ловечко куче птичар. Благодарение на острото сетило за мирис, почнало да се користи како куче трагач на тартуфи.

Тартуфите не е лесно да се најдат, бидејќи растат во специфични услови. Условите не се детално утврдени, но со сигурност се знае дека тие не можат да растат без дрвја, а и со соодветни услови нивното собирање не е едноставно, пишува Business Insider.

ЦРН ЛЕТЕН ТАРТУФ (лат. Tuber aestivum) – Црниот тартуф кој расте во текот на летото до доцна есен е еден од најчестите видови црн тартуфи. Може да се најде на 1 до 10 cm под земјата во корените на лешник, топола, даб, бука и бор.

Секој тартуф треба да се ископа рачно, но само ако е доволно зрел, односно ако испушта специфичен мирис. Станува збор за сезонски печурки, кои се појавуваат во различни периоди од годината. Белите тартуфи, кои се најскапи, може да се најдат од октомври до јануари, а нивната цена може да достигне и до 7.000 евра за килограм.

Дури и кога ќе дојдете до тартуфите, треба да имате на ум дека нивната арома, причината поради која се ценат, исчезнува во рок од пет дена. Затоа собирачите треба брзо да најдат купувачи.