Што содржи жолчката, а што белката од јајцето?

Луѓето често јадат јајца со одвојување на белките, кои се сметаат за поздрава храна од жолчките, кои се познати по високите количини на маснотии, калории и холестерол.

Покрај тоа, бидејќи белките од јајцата се богати со протеини, нивната потрошувачка одделно од жолчките е особено честа кај оние кои  професионално или рекреативно, се занимаваат со некоја физичка активност.

Што содржи жолчката, а што содржи белката?

Жолчките од јајцата имаат повисоко ниво на холестерол и маснотии од белките, но исто така имаат повисоко ниво на калциум, железо, магнезиум, фосфор, калиум, натриум и цинк.

Вишокот натриум можеби не е најдобар за нашето тело, но на телото му се потребни и сите други минерали што ги обезбедуваат жолчките. Од витамините, најважен е големиот процент на витамин А во нив.

Од друга страна, белките од јајцата се користат во сè, од исхрана до нега на кожа. Тие главно се состојат од протеини, кои помагаат во обновување и раст на мускулното ткиво.

Предностите на белките се очигледни, но не треба да ги избегнувате жолчките, бидејќи оброкот е целосен само кога ќе го изедеме целото јајце. Сепак, не треба да се претерува – особено оние што внимаваат на линијата.

Ако вашата цел е да изгубите тежина, белките од јајцата се помудра опција – тие имаат само 17 калории, додека жолчките имаат 55.