Гостивар
Собир во Гостивар во чест на 8 Септември: Овој празник потсетува на предизвиците кои сме ги надминале и ни даваат сила и мудрост да продолжиме понатаму
Државниот празник, Денот на независноста во Гостивар традиционално се одбележа со пригоден собир и положување цвеќе на споменикот на паднатите борци во градскиот парк. Настанот секоја година го организира Општинскиот одбор на Сојузот на борци во присуство на свои членови, граѓани и претставници на политички партии.
Преку краток реферат се направи потсетување на историските моменти врзани со 8 Септември, со порака да се чуваат, негуваат и продолжуваат слободарските вредности, мирот и развојот.
„Настаните кои се случуваа на просторите на поранешна Југославија кон крајот на осумдесеттите и почетокот на деведесеттите години во дваесеттот век, имаа силно влијание врз македонската држава и македонскиот народ. Процесот на конституирање на независна и суверена држава беше најприоритетното прашање. Референдумот за сувереност и независност се одржа на 8 септември 1991-ва година. Над 95% од граѓаните што излегоа на референдумот се изјасија за сувереност и независност. Резултатите беа потврдени на седницата на Собранието на Република Македонија на 17-ти септември, со што се исполни вековната желба на македонскиот народ за самостојна, суверена и независна држава. 8 септември претставува остварување и континуитет на трудот, вложувањата и пожртвуваноста на многу генерации граѓани кои живееле со мислата за слободна и самостојна држава. Денес, прославуваме 32 години независност, овој празник потсетува на предизвиците кои сме ги надминале и ни даваат сила и мудрост да продолжиме понатаму кон мирот, напредокот и европската иднина“, нагласи во рефератот, професорката по историја Катица Аврамоска.
Одбележувањето продолжи со положување букети цвеќе на споменикот на паднатите борци од НОБ во градскиот парк и едноминутно молчење во знак на почит кон сите што ги дале своите животи за слободата.
Цвеќе положија делегации на Одборот на борци, општинскиот комитет на ВМРО-ДПМНЕ и на општинската организација на СДСМ од Гостивар.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!