Поврзи се со нас

Вести Гостивар

Собранието ја констатира оставката на Мемеди – тој на Ахмети и Заев им порача дека водат погубна кадровска политика

Собранието на денешната 104 седница ја констатираше оставката на Весел Мемеди, потпретседател на Парламентот и пратеник од редовите на НДП. Мемеди оставката ја поднесе откако со реконструкцијата на Владата, неговиот сопартиец, Сухејл Фазлиу остана без министерското место во локална самоуправа.

„Со самото разрешување на министерот Фазлиу, вие г. Премиере Заев, и вие г. Ахмети, како нова власт, ја потврдивте погубната филозофија во политиката за именување и разрешување на кадри. Вие господа, промените ги правите по мерка на јорганот! Според оваа мерка, логиката функционира на таков начин што една личност, во оваа институција може да не покрива нас, а да ги открива другите, додека другата личност, треба да биде разрешена бидејќи може да не` открие и да ни ја извади на површина целата наша нечистотија. Со ваква филозофија на државната кадровска политика, никако не може да има борба против организираниот криминал и корупција. Во целата историја, мафијата никогаш не се предавала пред дволични политичари и корумпирани службеници. Мафијата потклекнува пред правдата, чесните политичари и функционери. СДСМ треба веднаш да престане со копирање на лажната и трагичната филозофија што ја наметнала претходната власт, ако веќе не касно. Нека биде нашиот пример, порака за сите во државата да се разбудат, во спротивно тешко на државата!“, рече Мемеди во своето обраќање во Парламентот.

 

 

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно