Сончево и многу топло време во деновите што следуваат

Времето денес ќе биде сончево и топло со мала до умерена локална облачност. Ќе дува слаб до умерен ветер од северозападен правец. Температурата во гостиварскиот регион ќе се движи од 12 до 27 степени. УВ индексот ќе изнесува 8, соопшти Управата за хидрометеоролошки работи.

Во следните денови во земјава ќе преовладува многу топло време со позначителен пораст на температурите кои ќе бидат над 30-тиот степен. Ќе дува слаб до умерен, а повремено и засилен северозападен ветер. Во попладневните часови ќе има услови за локална појава на пороен дожд, грмежи и засилен ветер, особено во средината на седмицата.