Валдет Џафери избран за претседател на огранокот на ДУИ во Гостивар

Валдет Џафери е нов претседател на огранокот на ДУИ во Гостивар. Тој денес беше избран на функцијата на непосредни партиски избори, извојувајќи победа над противкандидатот Мерсел Садику.

Џафери е роден 1989 година во Гостивар. Дипломирал на Универзитетот на Југоисточна Европа во Тетово, каде и магистрирал по кривично право.  Бил секретар на Економскиот факултет на Државниот универзитет во Тетово, министер за правда и директор на Бирото за судски вештачења. Валдет Џафери доаѓа на местото на досегашниот претседател на ДУИ во Гостивар, Башким Хасани, актуелен заменик министер за одбрана.

За претседател на огранокот на ДУИ во Врапчиште е избран Неби Реџепи. Нови лидери добија уште 8 партиски ограноци. Во огранокот во Боговиње за претседател е избран Бесник Емшиу, во Брвеница – Еркин Јахи, Чашка – Нафи Дурмиши, Долнени – Џемил Ќамили, Студеничани – Ејуп Абази, Теарце – Нухи Незири, Тетово – Фатон Ахмети и во Желино е избран Емир Сулејмани.