Гостивар
Совети од лекарите при примање вакцина: Маските да продолжат да се носат и да се избегнува алкохол
Министерството за здравство оценува дека интересот за вакцинација против ковид кај граѓаните секојдневно се зголемува. Лекарите немаат сомнеж дека вакцините се спасот од пандемијата и нивните апели се секогаш во таа насока, граѓаните да се вакцинираат.
При примањето на вакцината на пунктовите, медицинарите даваат неколку совети и препораки. Еден од нив е лицата кои примиле вакцина да продолжат да ги почитуваат мерките за заштита и да не се опуштаат целосно. Научни студии покажале дека по вакцинацијата преносливоста на вирусот се намалува, но до сега не е докажано дали тоа е доволно да спречи пренесување од вакцинирано на невакцинирано лице. Исто така, на организмот му треба време за да го изгради имунитетот, четири до пет недели по првата доза и најмалку уште една недела по ревакцинацијата.
„Ниту една вакцина не штити 100% и вакцинираните лица треба и понатаму да носат маски. Оној начин на живот што сме го имале пред пандемијата, не може одеднаш да се врати и луѓето мора да бидат внимателни. Нашата лична заштита и заштитата на нашите најблиски треба да биде на прво место. Кога доаѓаат на вакцинација граѓаните исто така ги советувам да избегнуваат поголема физичка кативност неколку дена и да избегнуваат пиење на алкохол. Во глобала тоа се советите кои ги даваме при вакцина“, вели доктор Дафина Богданоска одговорна во вакциналниот пункт на Здравствениот дом во Гостивар
Досега преку веб платформата vakcinacija.mk за вакцина се пријавиле околу 354 илјади граѓани.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар