MPPS: Kopshtet do të vazhdojnë me aktivitetin e kujdestarisë edhe gjatë grevës

Ministria e Punës dhe Politikës Sociale njoftoi se të gjitha institucionet parashkollore në ditët e grevës së paralajmëruar do të vazhdojnë të zhvillojnë aktivitete për përkujdesjen dhe edukimin e fëmijëve, si më parë.

Në përputhje me Konventën për të Drejtat e Fëmijës, dispozitat e Kushtetutës së Republikës së Maqedonisë së Veriut dhe Ligjit për mbrojtjen e fëmijëve të Republikës së Maqedonisë së Veriut, e drejta e patjetërsueshme e fëmijëve është që t’u sigurohet kujdes dhe arsimim në institucionet parashkollore si një formë e mbrojtjes së fëmijëve. Sipas Ligjit për mbrojtjen e fëmijëve, në institucionet parashkollore për fëmijë, kryerja e veprimtarisë së përkujdesit dhe edukimit të fëmijëve parashkollorë nuk guxon të ndërpritet përveç rasteve emergjente (fatkeqësi natyrore, epidemi etj.), për të cilat vendos themeluesi, ndërsa me pëlqimin paraprak të Ministrisë së Punës dhe Politikës Sociale, por jo gjatë grevës, thekson Ministria.

Me rastin e grevës së paralajmëruar nga SASHK-u dhe në institucionet parashkollore, e cila e drejtë është e  drejt e garantuar e punëtorëve në pajtim me Kushtetutën, gjatë ushtrimit të së drejtës në grevë, punëtorët, siç tregohet nga Ministria, janë të obliguar të ofrojnë kujdes të pandërprerë. dhe edukim të fëmijëve të moshës parashkollore.

Kujdesi për më të vegjlit, fëmijët është prioritet, kurse mbrojtja e të drejtave të tyre përgjegjësi e jona e përbashkët, thuhet në komunikatën e Ministrisë së Punës dhe Politikës Sociale.