Поврзи се со нас

Гостивар

Средба Таравари-Јеитс: Зголемување на фискалната ефикасност и планирање на проекти

Можностите за зголемување на фискалната ефикасност на општината и планирањето на проекти беа тема на разговор на средбата меѓу градоначалникот на Општина Гостивар, Арбен Таравари и извршниот директор за јавни финансии на УСАИД во Македонија, Џон Јеитс.

Таравари го информирал Јеитс за работењето на општината и предизвиците со кои се соочува во областа на наплатата на даноците на општината, извршувањето на буџетот и имплементираање на проектите.

„Откако дојдов на функцијата градоначалник на Гостивар, како општина забележуваме пораст од 15% на општинските даноци, извршувањето на буџетот во однос на планираното достигнува околу 95%, а сме спровеле и бројни капитални проекти во главно со сопствени средства, но и преку донации од меѓународни организации и од пријателски земји на нашата држава“, истакна градоначалникот нагласувајќи ја потребата од соодветна фискална децентрализација со што ќе се зголемат можностите на единиците на локалната самоуправа за поголема ефикасност во планирањето на буџетот и капиталните инвестиции.

Јеитс ги информирал градоначалникот и неговите соработници за четирите компоненти на техничка помош кои се опфатени во повикот на УСАИД, во износ од 5 до 7 милиони американски долари. „Јеитс стави акцент на зголемување на нивото на наплатата на општинските даноци, подобрување во планирањето на проекти, зголемување на општинскиот буџет и потребата за фискална децентрализација“, наведуваат од општинската служба за информирање.

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!