Студено време, снег и дожд во новата работна недела

Во 7 и 30 часот утрово најниска температура од 10 степени под нулата е измерена во Битола, Берово, Попова Шапка и Маврови Анови.

Највисока снежна покривка од 20 сантиметри е измерена во Ѓуриште, 19 см во Пожаране, 18 во Дебар, 16 во Маврови Анови, 14 во Битола, 13 во Берово и Крушево, 12 во Крива Паланка и 7 сантиметри во Прилеп.

„Утрово е ведро, претежно тивко и студено. Времето денеска ќе биде сончево и студено, во западните делови со мала до умерена облачност. Кон крајот на денот облачноста ќе се зголеми насекаде, а во текот на ноќта во западните делови ќе има врнежи од снег. Ќе дува слаб ветер, претпладне од северен, а попладне претежно од јужен правец“, соопшти УХМР.

Максималната температура во гостиварско денес ќе достигне 5 степени. Во вторник и среда не‘ очекуваат нови врнежи од дожд и снег, а студенилото ќе се задржи. Во четврток ќе настапи преодна стабилизација, додека во петок повторно дожд со покачување на температурата за неколку степени.