Гостивар
Свечен собир и положување цвеќе во Гостивар во чест на Илинден
Големиот национален празник Денот на републиката, 2-ри Август во Гостивар беше одбележан со пригоден собир и положување на цвеќе на споменикот на паднатите борци во градскиот парк. На чествувањето присуствуваа претставници на боречката организација, политички партии и граѓани.
Празнувањето на Илинден, традиционално го организира општинскиот одбор на Сојузот на борци Гостивар.
Професорката по историја Катица Аврамоска, преку реферат потсети на борбите и хероите од илинденската епопеја и прогласувањето на Крушевската република, прва на Балканот, потенцирајќи дека идеалите на Илинден духовно се вградија во свеста на новите генерации, кои го продолжија делото на Илинденците.
„На Илинден, на денот на епохалниот меѓник на национално-ослободителната борба на македонскиот народ од 1903 година, на денот од годишнината од Илинденското востание во манастирот Св.Прохор Пчински, се собраа делегатите на првиот македонски парламент на АСНОМ. Тие на првото заседание на АСНОМ 1944 година, пред сопствениот народ и пред целиот свет ја објавија државноста на македонскиот народ.“, нагласи Аврамоска.
Одбележувањето на 2-ри август, во Гостивар продолжи со положување на цвеќе на споменикот на паднатите борци и едноминутно молчење во знак на почит кон загинатите борци за слобода.
Цвеќе положија делегаии на Сојузот на борци, општинската организација на СДСМ и на општинскиот комитет на ВМРО ДПМНЕ.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ