Занимливости
Тајната на долговечноста на Кинескиот ѕид
Најновите истражувања во врска со Кинескиот ѕид откриваат досега непозната тајна за неговата долговечност и структурна стабилност. Според студија објавена во научното списание “Science Advances”, заслуга за овие карактеристики ја има тенкиот слој органски материјал наречен “биокора”.
Кинескиот ѕид, кој се простира на околу 21.000 километри бил изграден во текот на неколку векови за да ја заштити тогашната империја од надворешни непријатели. За неговата градба се користеле тули од земја составени од материјали како глина и чакал. Времето и ерозијата би можеле да го уништат, но според истражувачите, тајната лежи во “биокората”.
Оваа издржлива структура се формира како резултат на жив малтер составен од сино-зелени бактерии, мов и лишаи. Професорот Бо Ксијао од Колеџот за наука и технологија за почва на Кинескиот земјоделски универзитет во Пекинг го означува ова како “инженерство на екосистемот”.
Истражувачите прибегнале на анализа на сегменти од ѕидот и собрале примероци на осум различни локации. Резултатите покажаа дека 67 отсто од примероците содржеле “биокора”, што го опишуваат како цврст материјал сличен на цемент. Овие примероци биле три пати посилни од тие на обична уништена земја, а примероците што содржат мов биле особено издржливи.
“Biocrusts” of cyanobacteria, mosses, and lichens help protect earthen sections of the Great Wall of China from weathering, new @ScienceAdvances research suggests. https://t.co/waoikKPQpD pic.twitter.com/KFthZxsqgh
— Science Magazine (@ScienceMagazine) December 10, 2023
Според Ксијао, сино-зелените бактерии и другите организми во “биокората” лачат супстанции како полимери, што цврсто ги врзува честичките на почвата и создава стабилна мрежа што се спротивставува на ерозијата.
„Овие цементни супстанции, биолошки филаменти и почвени агрегати во слојот „биокора“ конечно формираат кохезивна мрежа со силна механичка сила и стабилност која се спротивставува на надворешната ерозија“, рече Ксијао.
Ова откритие не само што го објаснува тајнствениот живот на Кинескиот ѕид, туку и отвора нови перспективи за користење на “инженерството на екосистемот” во изградбата на стабилни и долговечни структури во иднина.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените