Гостивар
Течат подготовките за Меморијалниот марш „Ласкарци 2021“
Како што веќе најавивме во сабота (13 февруари) на двегодишнината од автобуската несреќа кај Ласкарци ќе се одржи Меморијален марш во спомен на жртвите. Во тек се последните подготовки за настанот, кој го организират повеќе спортски клубови, под покровителство на Општина Гостивар.
„Меморијалниот марш го организираме и годинава иако сме во вонредни услови поради пандимјата со Ковид-19. Лани, маршутата од Ласкарци до Гостивар на растојание од околу 50 километри се покажа дека малку потешка, па затоа годинава ја скративме планираната патека, но без да губи од симболиката. Значи, маршот ќе треба да започне кај наплатна рампа Тетово и ќе заврши на градскиот плоштад во Гостивар со симболична церемонија со светлосни ефекти во спомен на 16-те жртви. Посебно внимание ќе посветиме на безбедноста, како во однос на движењето во сообраќајот, така и во смисла на заштита од Ковид-19, строго почитувајќи ги протоколите за јавни настани на отворен простор.“, појасни Замир Мустафаи, еден од иницијаторите упатувајќи благодарност до Општина Гостивар, за финансиската и моралната поддршка, и на Секторот за внатрешни работи – Тетово за соработката и асистенцијата.
„За учесниците ќе обезбедиме превоз, маици и маски со логото на маршот, средства за дезинфекција, вода, освежувачки пијалоци и храна. Ќе имаме и 2 автомобили што цело време ќе го следат маршот, како и 2 професионални планинарски водичи. Преку овој настан сакаме да ги сензибилизираме сите учесници во сообраќајот на патиштата, како и да испратиме порака до надлежните институции да ги преземат сите неопходни мерки за поголема безбедност во сообраќајот на патиштата за да никогаш повеќе не ни се повторат вакви трагедии. Со обележување на овој ден, да се солидаризираме со граѓаните на Гостивар и семејствата на жртвите и да ја замениме оваа болка со активност во која доаѓа до израз спортот, здравјето, хуманоста и цивилизираноста.“, нагласи Мустафаи.
На 13 февруари 2019-та година, автобусот на Дурмо Турс, кој тргнува кон Гостивар од скопската автобуска станица во 16 часот и 15 минути со 51 патник, излета од коловозот, ги проби банкините, падна и се преврте на стариот дел од патот.
Во несреќата животите ги загубија: Дејан Ристоски, Раметула Абдураими, Валдете Хамити, Јовица Трпевски, Бесим Фетаи, Онур Садику, Есат Емрули, Ајдин Исмаили, Бејза Узеири, Зоран Давидовски, Бобан Аврамовски, Трпана Јаневска, Павле Костоски, Арсе Арсоски, Ферди Касо и Ерза Османи.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ