Трагедија: 26 годишно момче го загуби животот во несреќа на автопатот Гостивар-Тетово

Дваесет и шестгодишник го загуби животот, во несреќа која се случила вчеравечер на автопатот Гостивар-Тетово.

Министерството за внатрешни работи информира дека во 22.40 часот било пријавено дека на автопатот после „Неготинска клучка“, Б.Ј. на возраст од 26 години од селото Топлица-Општина Врапчиште, управувајќи патничко моторно возило „БМВ“ со гостиварски регистарски ознаки излетал надвор од коловозот. Во несреќата возачот починал на местото на настанот.

Извршен бил увид од Јавен обвинител и увидна екипа од Полициската станица Гостивар. По наредба на Јавен обвинител телото на починатиот е предадено за обдукција.