Гостивар
Трибина за превенција на рак на дојка во Гостивар: Секоја жена заслужува да живее!
Жените да обрнат поголемо внимание на своето здравје, да вршат редовни контроли, како и самопреглед, за да не станат жртви на карцином на дојка. Ваква порака беше испратена од трибината којашто се одржа во Гостивар, по повод месецот на борба против оваа болест. Настанот го организираше Општина Гостивар, во соработка со невладината „Меѓународен клуб на жени“, со цел да се подигне свеста кај припадничките на понежниот пол за редовни прегледи.
Раното откривање на ракот е клучно во третманот и излекувањето на пациентките. „Сакаме да ги сензибилизираме жените по ова прашање, да ги имаат потребните информации за болеста, да реагираат навреме. Секоја жена заслужува да живее! Секоја жена го познава своето тело и ги препознава промените. Добро е кога ќе забележи промени, да се обрати кај својот матичен лекар, кој ќе ја упати понатаму што треба да направи.“, порача Афердита Хамза од Општина Гостивар.
Искуството на лекарите покажува дека болеста најчесто не се открива навреме, а тоа е поради менталитетот и недоволното едуцирање на жените. Во борбата против карциномот на дојка, како и кај другите болести важни се здравите навики, практикување на физичка активност, правилна исхрана, избегнување на козметички средства полни со хемикалии…
Присутните на трибината имаа можност да слушнат и професионални совети од нутриционист, психолог и лекар.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница