Trio Dolce вечерва настапува пред гостиварската публика

Во Центарот за култура „АСНОМ“ во Гостивар вечерва концерт ќе одржи Trio Dolce, кое го сочинуваат Андријана Дукоска – виолончело, Светлана Богданоска – флјета и Марија Шамоска-Буџаковски – пијано.

На програмата се застапени дела од познати композиторски имиња како Астор Пјацола, Фаренц, Дебиси. Концертот е закажан со почеток во 19 часот, во малата сала, а влезот е слободен.

Виолончелистката Андријана Дукоска дипломирала на Факултетот за музичка уметност во Скопје во класата на Живко Фирфов. Учествувала на повеќе државни натпревари, настапувала со гудачки квартет, а од 2015 година е член и еден од основачите на црковниот хор „Св. Петка“ од Прилеп, кој има реализирано повеќе рецитали. Светлана Богданоска завршила ФМУ во Скопје на отсекот флејта во класата на Б.Станковска. Во 2013 година со Дукоска го формираат „Дуо нуово“ за виолончело и пијано, а во 2016 година им се придружува и флејтистката Светлана Богданоска и го формираат „Трио долче“