Turqia nuk ka plane të vendosur sanksione ndaj Rusisë

Ankaraja nuk ka plane të vendosë sanksione ndaj Moskës në mënyrë që të mbajë të hapur kanalin e komunikimit me Rusinë, tha këshilltari i presidentit turk, Ibrahim Kalin.

Duhet të ketë një aktor që mund të flasë me Rusinë, është shpjegimi i tij për CNN Turk.

-Kush do të flasë me Rusinë, nëse të gjithë djegin urat? Ne nuk planifikojmë të vendosim sanksione për ta lënë atë kanal të hapur, tha Kalin, njoftojnë mediat ruse.

Pasi Ministri i Jashtëm turk Mevlut Çavushoglu tha se Turqia kishte paralajmëruar të gjitha vendet bregdetare dhe kontinentale të mos lëshojnë anije luftarake nëpër detet e saj, Kalin sqaroi se Ankaraja po interpretonte Konventën e Montre-së në mënyrë që të mos provokonte tensione dhe të konsultohej me të gjithë.

• Palët ndërluftuese nuk mund të kalojnë detet. Përjashtimet e vetme janë anijet që kthehen në baza. Në atë rast ata kanë të drejtë të kthehen, tha Kalin.

Sipas tij, Ankaraja është duke u konsultuar me të gjithë. Për momentin, shtoi ai, nuk ka kërkesa për kalimin e anijeve luftarake.

-Nuk duhet të ketë. Ne e refuzojmë një rrezik të tillë në përputhje me rregullat e Montre-së, tha ai.

Sipas Konventës së Montre-së të vitit 1936, Turqia kontrollon Dardanelet dhe Bosforin, të cilat lidhin Mesdheun me Detin e Zi. Vendi mund të kufizojë kalimin e anijeve luftarake, gjatë luftës ose nëse është e rrezikuar.