Турска донација за училиштата во Гостивар

Советот на турски општини во светот (СТОС), донираше компјутери и проектори за неколку училишта во Гостивар, кои ќе им бидат од корист на наставниците и учениците во изведување на наставата. По тој повод, во посета на општината и на училиштата беше Генералниот секретар на СТОС, Фахри Солак.

„Донираме технолошка опрема за гостиварските училишта, но поддршката во иднина ќе се зголеми со други проекти, со цел да се подобри квалитетот на услугите во општината“, рече Солак.

Градоначалникот Арбен Таравари се заблагодари за донацијата и изрази надеж за уште поголема соработка во иднина.

„Упатувам благодарност до Сојузот на турските општини во светот. Поделивме опрема во средното економско училиште, потоа во специјалната паралелка во ОУ„Исмаил Ќемали“, како и во други училишта, каде што беше потребно. Мислам дека нашата соработка ќе продолжи понатаму, преку спроведување на различни проекти, во различни сфери“, рече Таравари.

Турската донација се состои од 16 лап-топи и исто толку проектори.