Тепачка во гостиварски дуќан – летале лопати и мотики

Едно лице завршило со повреди во инцидент кој се случил вчера во трговски објект на булеварот „Браќа Ѓиновски“ во Гостивар. Како што соопшти полицијата, во насилството, пријавено во Полициската станица околу 12 часот и 40 минути, учествувале 52-годишниот Љ.Н. и неговиот 27-годишен син Ш.Н. од Долна Бањица.

Според податоците од СВР Тетово, двајцата пријавени започнале вербална расправија со вработените во објектот околу цената на одреден производ што претходно го купиле, по што синот со лопата што ја зел од излогот, во меѓусебната тепачка го удрил  по главата гостиварецот Н.З, а таткото со мотика го скршил и изложното стакло. Повредениот бил пренесен во гостиварската општа болница „Ферид Мурад “ каде му била укажана лекарска помош.

Такото и синот биле лишени од слобода, како и другите инволвирани лица во тепачката Н.З.( 54 ) од Гостивар и Е.М.( 53 ), Т.А.(46 ) и С.Ј.( 37 ). од гостиварска Горна Бањица.

Полицијата информира дека работи на целосно расчистување на случајот.                                    ..