УЈП го продолжи рокот за поднесување ДДВ-04 пријава

Управата за јавни приходи соопшти дека го продолжува рокот за поднесување на ДДВ-04 пријави и обврзниците тоа ќе може да се пријавуваат и во текот на викендот.

„По барање на корисниците на системот е-Даноци, а согласно Законот за даночна постапка, известуваме дека поднесувањето на ДДВ-04 пријава за која крајниот рок за поднесување е 25 јануари, се продолжува и во наредните два дена, односно 26 и 27 јануари (сабота и недела), што ќе се смета за краен рок за поднесување на пријавите.“, информира УЈП.

Даночните обврзници кои се обврзани за регистрација или кои доброволно се регистрирале за целите на данокот на додадена вредност, обврзани се да поднесат Даночна пријава на данокот на додадена вредност (образец “ДДВ-04”) за секој даночен период (месец или тримесечје).

ДДВ обврзниците даночната пријава на ДДВ задолжително треба да ја поднесуваат по електронски пат преку е-Даноци.