Гостивар
Улици, водоводи, канализации…Кои ќе бидат приоритетите на Општина Гостивар во 2020-та година?
Предлог-развојната Програма на Општина Гостивар за наредната година, содржи над 80 проекти за изградба и реконструкции на патната инфраструктура, водоводи и канализации, а предвидува и реновирања во речиси сите училишта. Документот денес беше презентиран пред гостиварци на јавна дебата.
Градоначалникот Арбен Таравари истакна дека Програмата ја изработиле според барањата и сугестиите на граѓаните, коишто ги прибирале на непосредни средби по населбите и селата.
„Ги обиколивме сите места за да ги слушнеме мислењето и потребите на граѓаните. Предложените проекти ги ставивме во Програмата и излегува дека делот на капиталните инвестиции достигнува 18,5 милиони евра. Навистина би сакал да ги имавме тие пари во буџетот и да можеме да ги реализираме сите проекти, но за жал ја немаме таа можност. Ќе бидеме во состојба да реализираме околу 10%, односно од 2 до 3 милиони евра. И затоа, треба да се постават приоритетите.“, рече градоначалникот.
По деталната презентација на програмата од страна на Бесим Догани, одговорен во Канцеларијата за локален економски развој, дел од граѓаните на дебатата даваа дополнители предлози и мислења.
Граѓани од Млаки побараа конечно решавање на најголемиот проблем на населбата со изградба на фекална канализација. „Се прелеваат септички јами, состојбата е многу лоша. Без фекална канализација, не може да се живее.“, рече жител на Млаки. Од општината одговорија дека ќе направат напори преку кредитирање да обезбедат пари за канализација во таа населба, со оглед дека проектот заради техничка спецификација не можел да се реализира самостојно и потребна е поголема сума на пари.
Жители пак од Лакавица побараа локалната самоуправа да предвиди повеќе проекти во нивното село.
Меѓу проектите во развојната Програма се: изградба на главната линија за водовод Вруток – Гостивар, поставување на ограда на шеталиштето на кејот на Вардар, изградба на кружен тек на улица „Илинденска“ кај Макпетрол, реконструкции на повеќе градски улици, реконструкција на пат од Горна до Долна Бањица, изградба на новопроектиран пат Чајле – Гостивар, уредување улици низ селата и други.
Предлог-Програмата ќе се најде пред гостиварскиот Совет на седницата закажана за во четврток.
Освен од сопствениот буџет, за реализирање на проектите општината ќе бара финансии и од Мминистерството за транспорт и врски, Светска банка и други извори.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените