Утре во Гостивар се отвора Театарскиот фестивал Отело

Со претставата “Самоубиец” на авторот Николај Ерман, а во режија на Сулејман Рушити, утревечер во Центарот за култура АСНОМ во Гостивар ќе биде отворен Меѓународниот театарски фестивал “Отело”. Фестивалот ќе трае до 9-ти ноември и во негови рамки ќе бидат одиграни пет драмски претстави на албански јазик.

Фестивалската програма ги содржи претставите: “Оние кои бегаат” (театар „Беким Фехмиу” – Призрен), “Оскарот и тетка Роза” (театар од регионот Скадар – Кукс), “Жени” (Албански театар – Скопје) и “Hollyshit” (“ААБ Фарук Беголи” – Приштина).

Претставите ќе започнуваат во 19 часот.

За наградите за најдобар актер, најдобра актерка, најдобар режисер и најдобра претстава ќе одлучува стручно жири. Организатори на фестивалот, кој годинава се одржува по втор пат се Берат Салиу и Арѓенд Хасани.