Вечерва реванш натпревари од Лига Европа

Го добивме првиот осминафиналист во Европа лигата. На единствениот натпревар одигран вчера, Глазгов Ренџерс, по втор пат, ја совлада екипата на Брага овојпат на гостински терен со 1:0, и по домашниот триумф од 3:2, тимот на Стивен Жерард се пласира во осминафиналето.

Вечерва, со почеток од 18:55 и од 21:00 часот, на програмата се петнаесет реванш средби. Внимание привлекуваат двата дуели кои се играат во Португалија, Порто и Бенфика треба да надокнадат негатива од еден гол по поразите од 2:1 од Баер Леверкузен, односно Шахтјор, како и дуелот Ајакс – Хетафе каде гостинот има предност од 2:0 од првиот меч.

Да напоменеме и за натпреварот кој беше под прашалник, дали ќе се одигра или не, поради корона вирусот, екипата на Лудогорец сепак одлучи да одпатува за Милано и ќе го одигра реваншот против Интер, од кого загуби на домашен терен со 2:0. Сепак овој натрепревар ќе се игра пред празни трибини како мерка на претпазливост поради корона вирусот кој владее во овој дел од Италија.