Велика Сабота – ден на свештен трепет пред Христовото воскресение

Велика Сабота е последниот ден од Страсната седмица, која претходи на големиот христијански празник Велигден. Црквата ја слави Велика Сабота како “благословен седми ден”. Тоа е денот што ги спојува распнувањето и радоста, денот меѓу смртта и воскресението и според христијанското учење е ден на свештен трепет пред Христовото воскресение.

Велика Сабота е ден на покојот и покојникот, определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

Во соборниот храм Пресвета Богородица во Гостивар на Велика Сабота митрополитот Тетовско-гостиварски г.Јосиф богослужеше св.Василиева литургија.

Вечерва на полноќ по трикратниот опход околу црквите со пеење на Воскресение Христе Твое Спасе, бијат камбаните и се објавува веста за Исусовото воскреснување.