fbpx
Поврзи се со нас

Македонија

Верските лидери со поддршка за вакцинацијата и апел граѓаните да ги почитуваат мерките

Објавено

на

Состојбите со ковид пандемијата и процесот на вакцинирање биле тема на разговор на средбата меѓу премиерот Зоран Заев, директорот на Комисијата за односи со верските заедници и религиозните групи, Даријан Сотировски и поглаварите на верските заедници во земјава споменати во Уставот – МПЦ, Архиепископот Охридски и Македонски, г.г. Стефан, ИВЗ, Реис ул Улема хаџи Шаќир ефенди Фетаи и на Католичката црква, монсињор Киро Стојанов, бискуп скопски и струмичко-скопски епарх.

Како што зоопштија од владината прес служба, заклучено било од средбата да биде испратен заеднички апел на Владата и верските заедници до сите граѓани, за почитување на мерките за заштита од коронавирус.

„Исто така, изразена е поддршка од сите верски заедници на процесот на вакцинирање и се упатува заеднички повик до сите граѓани да се пријават за вакцинација, со што ќе дадат придонес во сочувувањето на своето здравје и на јавното здравје. Од страна на верските лидери присутни на состанокот е укажано дека на заштитата на здравјето не е само обврска на државата, туку е и верска обврска бидејќи секој човек е должен, како општествено, така и според верата, да биде во служба на здравјето.Заеднички е констатирано дека во овие моменти кога човештвото се соочува со непредвидлив вирус, потребна е разумност од страна на сите верници, бидејќи болеста не избира религии и нации.“, се наведува во соопштението.

Од Владата известија дека на средбата заеднички било оценето дека од почитувањето на мерките, ќе зависи и како граѓаните ќе ги поминат претстојните празници: Велигден и Рамазан Бајрам, а јасно е дека постои желба кај сите за одбележување на големите верски празници во мир и спокој и заедно со најблиските во семејството.

Премиерот Заев изрази благодарност до верските лидери за потребата да се застане заеднички, во справувањето со последиците од пандемијата, што е од полза на сите луѓе. Тој најави средби и со претставници на другите верски заедници во земјава.

На состанокот е разговарано и за прашања од областа на денационализацијата на имот и образованието и е одлучено за нив да има дополнителни контакти, со цел заокружување на решенијата во интерес и на државата и на верските заедници и граѓаните.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!