Виртуелен музеј на загрозени звуци

Како што се развива технологијата, така се развиваат и звуците што ги поврзуваме со нашите омилени уреди. Се сеќавате како звучеше машината за пишување, интернет-врската преку dial-up или звукот создаден со дување во дискета на Nintendo или Sega?

Ако некогаш сте носталгични и сакате повторно да ги слушнете овие звуци што веројатно повеќе нема да ги слушнете во реалниот свет, едноставно одете во виртуелниот Музеј на загрозени звуци и кликнете на сликата на уредот што сакате да го слушнете.

Музејот e ‘отворен’ во 2012 година, а негов творец е Brendan Chilcutt кој сакаше да зачува само некои звуци од својата младост, како што е добро познатиот звук на стуткана лента заглавена во видео. Но, Chilcutt не е само една личност, ова е псевдоним за тројца студенти (Фил Хадад, Мерибет Ледесма и Грег Елвуд) кои ја реализираат оваа идеја.

Иако музејот засега има ограничена количина звуци, неговите творци тврдат дека имаат „десетгодишен“ план во кој планираат да додадат низа други звуци кои едноставно повеќе не се слушаат во денешниот свет.

Повеќе на веб-страницата на Музејот на загрозени звуци .