Владата даде зелено светло за Колективен договор во културата и нов закон за култура

На вчерашната седница, Владата го овласти министерот за култура, Хусни Исмаили за потпишување на Колективниот договор во културата и го задолжи Министерството за финансии да ги обезбеди средствата во износ од 266.979.365 денари за оваа намена најдоцна до 1 јули 2020 година.

Покрај ова, Владата го утврди предлог текстот на законот за остварување на јавниот интерес во културата  со што истиот ќе може да продложи во натамошна постапка на донесување од страна на Собранието.

„Новиот закон во културата ќе се носи по 20 години и по 16 измени на текстот во изминатиов период, а со него се очекува да се придонесе кон унапредување и развој на остварувањето на културата во Република Северна Македонија, унапредување на правната основа за развој на културните активности, надминување на актуелните проблеми во областа, рамноправност на уметниците независно од потеклото, етничката припадност, полот и друго, во создавањето на културата  преку овозможување на еднакви права гарантирани со закон.“, информираат од Министерството за култура.