Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 30/04/2019 | 19:28

Владата го усвои Предлог законот за признавање на возачките дозволи со Косово

На денешната 132 седница, Владата го усвои Предлогот на Законот за ратификација на Договорот меѓу Владите на Република Северна Македонија и Република Косово за реципрочно признавање на возачките дозволи. Од владината прес служба соопштија дека Предлог законот ќе биде доставен до Собранието.

Договорот меѓу двете земји беше потпишан во јануари годинава. Во него е определено реципрочно признавање на возачките дозволи на возачите кои имаат законски престој на територијата на едната или другата држава. Воедно, граѓаните кои имаат регулирано престој ќе можат, без обврска за полагање теоретски и практичен дел од возачкиот испит, да ја заменат својата возачка дозвола за возачка дозвола од истата категорија и поткатегорија на другата држава, со почитување на административната процедура согласно пропишаните национални законодавства на двете држави.

Напишете коментар