Поврзи се со нас

Вести Гостивар

Влијае ли редоследот на конзумирање алкохол врз мамурлакот?

Пиете прво послаби пијалаци, па потоа преминувате на пожестоки? Научниците велат редоследот на пиење е небитен.

Европските научници го преиспитаа верувањето дека е подобро прво да се пијат послаби пијалаци, а потоа да се премине на појаки и жестоки, но заклучиле дека редоследот на пијалаците нема никакво влијание врз мамурлукот. Научниците избрале 90 доброволци во Германија на возраст од 19 до 40 години на кои им е понудено пиво, вино или и од двете. Една група прво пиела околу литар пиво, па четири чаши вино, исто толку и втората група само во обратен редослед. Останатите групи пиеле само пиво и само вино и сите ја поминале ноќта под докторски надзор.

Испитувачите чекале алкохолот целосно да испари и доброволците да се опорават и после седум дена експериментот е повторен, единствено се заменети улогите по групите. Според резултатите објавени во списанието American Journal of Clinical Nutrition, немало никаква разлика во интензитетот на мамурлукот зависно од редоследот на конзумирање.

Не забележавме дека редоследот на конзумирање има влијание врз мамурлакот, вели координаторот на студијата Јоран Кохлинг од Универзитетот Witten Herdecke. Утврдени се два фактори кои ја одредуваат тежината на мамурлукот ден потоа – колку луѓето се чувствувале пијани и дали повраќале. Оние кои на скала од 1 до 10 се изјасниле како најпијани и оние кои повраќале во текот на ноќта, го објасниле мамурлукот како најтежок.

Точно е дека внесувањето преголеми количини на било кој алкохол најверојатно ќе доведе до тежок мамурлук, вели Кохлинг. Според америчкиот центар за контрола и превенција на болести умерено конзумирање на алкохол е чаша пијалок дневно за жени, две чаши за мажи. Научниците истакнуваат дека испитувањето имало некои ограничувања, на пример немало контролна група која би конзумирала безалкохолно пиво или вино бидејќи немало доброволци за таа потреба.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно