Let”s Pizza автомат за тазе испечени пици

На улиците низ италјанските градови многу често може да се сретнат автомати за пица, кои за неколку евра и само три минути испорачуваат свежи испечени пици.

Користејќи инфрацрвени зраци и технологија која ја имаат развиено научниците од Универзитетот во Болоња, автоматите сами го прават и месат тестото, потоа го развлекуваат, премачкуваат со сос и ги редат додатоците и на крај го печат.

Целиот процес од внесување на пари, до испорачување на пицата трае три минути.

Креаторот на машината “Let”s Pizza”, италјанецот Клаудио Торгеле, тврди дека автоматите вадат одлична пица.

“Ова не е обична кутија за пица, туку еден вид мини-пицерија. Целиот процес на правење на пицата може да се следи преку стаклото на машината, а децата тоа го сакаат”, објаснува Торгеле.

“Let”s Pizza” автоматот веќе е успешно распространет во Италија и Германија. За сега, нуди само четири видови на пици.

Дел од италијаните реагираат дека автоматот не е за вистинските вљубеници во италијанската пица. Пицата која е создадена во XVIII век во Неапол, не трпи брзо, автоматско производство. Тие истакнуваат дека правењето пица е уметничка вештина и бара трпеливост и посебно знаење.