Во Бигорски одбележување на манастирската слава Иванден

Во Бигорскиот манастир вечерва започнува одбележувањето на манастирската слава во спомен на раѓањето на Јован Крстител – Иванден.

Како што најавија од древниот македонски свет храм, вечерва ќе се отслужи сеноќно бдение, коешто ќе започне во 20.30 часот, на кое молитвено ќе претстои Игуменот г. Партениј. Светата архиерејска литургија утре (7 јули) ќе започне во 9 часот и со неа ќе чиноначалствува Митрополитот дебарско-кичевски, г. Тимотеј во сослужение со Митрополитот тетовско-гостиварски  г. Јосиф и Игуменот г. Партениј.
„Ве известуваме дека поради постојната пандемија на Ковид-19, а согласно мерките и препораките на Министерството за здравство, како и на Светиот Архиерејски Синод на МПЦ-ОА, празникот на Рождеството на Свети Јован крстител во Бигорскиот Манастир, ќе се празнува со строго запазување на предвидениот протокол за заштита, односно со држење на соодветно растојание, носење на заштитни маски.“, соопштија од Бигорски.

фото:Бигорски манастир