Во две акции во Гостивар приведени повеќе лица заради марихуана

Во текот на вчерашниот ден во Гостивар, во два одделни случаи биле уапсени четири лица кај кои полицијата пронашла марихуана.

Во периодот од 19.30 до 20.50 часот, врз основа на судска наредба, полициски службеници извршиле претрес на дом и други помошни простории на улица „Кеј Вардар“ во Гостивар, сопственост на 36 годишниот Н.И. од Гостивар. „При претресот биле пронајдени и одземени марихуана и предмети со остатоци од марихуана. Лицето било приведено во полициска станица. Исто така, во полициска станица било приведено и лицето Г.Н., кое било затекнато во куќата. При личен преглед, кај него била пронајдена и одземена марихуана.“, извести МВР

Околу 18 часот на улица „Беличица“ во Гостивар полициски службеници ги лишиле од слобода гостиварците З.Х. на возраст од 26 години и Г.Е. 44-годишен, кај кои била пронајдена и одземена марихуана.

МВР соопшпти дека по целосно документирање на двата случи против лицата ќе биде поднесен соодветен поднесок.