Во физичка пресметка гостиварец бил повреден со остар предмет

Вчеравечер (12 јули) околу 21 часот и 35 минути, полициски службеници на СВР Тетово-Одделение за внатрешни работи Гостивар лишиле од слобода 38-годишен гостиварец, кој непосредно пред тоа бил пријавен дека во подрумски простории од објект на улица „Илинденска“ во Гостивар, физички се пресметувал со 48-годишен маж, исто така, од Гостивар и го повредил со остар предмет во ногата, по што бил пренесен во гостиварската Општа болница „Ферид Мурад“ за укажување на лекарска помош.

Кај приведениот пронајден и одземен му е остриот предмет за вештачење. Се преземаат мерки за расчистување на случајот.