Во Гостивар казнети 13 моторциклисти – возеле без дозвола, не носеле кациги…

Вчера (15 април) во периодот од 12 до 18 часот, на подрачјето на СВР Тетово спроведена е акциска контрола на мотоцикли, при што биле санкционирани по 13 во Гостивар и во Тетово.

Од нив девет возеле без возачка дозвола и веднаш биле исклучени од сообраќај, а на сите прекршители им се изготвени соодветни поднесоци, информира СВР. Покрај ова, во акцијата откриени биле и 55 други видови прекршоци (Тетово-34 и Гостивар-21).

Со оглед дека сега е сезона на користењето мотоцикли, најмногу од младите, а често и малолетници, Секторот за внатрешни работи Тетово уште еднаш потсетува дека за да се управува ваков вид моторно возило потребна е соодветна дозвола. Во спротивно следува поднесок и парична казна.

Секторот за внатрешни работи Тетово апелира доследно да се почитуваат сообраќајните знаци, правила и прописи. На мотоциклистите им се советува, исто така, навреме да ги регистрираат нивните мотоцикли, да ја проверат техничката исправност на истите, и да бидат крајно внимателни кога се движат, посебно по пофрекфентните улици во Тетово и Гостивар.

„Доколку не се придржуваат на овие апели и укажувања, тие ќе се соочат со поднесоци и глоби кои, зависно од видот на прекршокот, се движат од  50 евра за неносење опрема до 500 евра во денарска противвредност, за нерегистриран мотоцикл.“, предупредува СВР.