Во Гостивар казнети 45 лица за неносење заштитни маски

Во текот на изминатото деноноќие,  според статистиката на Секторот за внатрешни работи Тетово за неносење заштитни маски биле изготвени прекршочни платни налози за вкупно 158 лица (Тетово-113 и Гостивар-45).  Казната за граѓаните е 20 евра во денарска противвредност, додека за правните субјекти казната изнесува две илјади евра.

Носењето заштитна опрема на устата и носот е задолжително во сите јавни објекти како државни институции, маркети, продавници, банки, пошти, јавен превоз, чекални, здравствени институции и слично, како и на отворени простори, кога не може да се одржува минимална дистанца од два метри. Исто така, во објектите задолжително е сите вработените да носат заштитна опрема и да не дозволат влез и движење во службените простории на лица кои немаат заштитни маски.

За периодот 27/28 мај, нови решенија за изолација од Државен санитарен и здравствен инспекторат изготвени им се на 16 лица (Тетово-10 и Гостивар-6), додека вкупно биле контролирани 205 лица со вакви решенија (Тетово-170 и Гостивар-35). Во изминатото деноноќие, изјави за самоизолација потпишале вкупно 10 лица (Тетово-5 и Гостивар-5), а контролирани биле 20 лица со потпишани изјави за самоизолација (Тетово-15 и Гостивар-5).