Во најдобриот ресторан на светот работат самоуки готвачи

Волфгат е мал ресторан лоциран покрај море, на 150 километри од Кејптаун, Јужна Африка, кој беше прогласен за ресторан на годината во изборот на Наградите за светски ресторани.

Ресторанот има капацитет од само 20 столчиња, а сите вработени, од готвачи до келнери немаат никаква диплома, ниту било какво образование од областа на кулинарството. И покрај тоа, Волфгат успеа да го освои гастрономскиот Оскар.

Главен готвач и сопственик на локалот е шефот Кобус ван дер Мерв. Со кулинарство започнал да се занимава во своите 30-ти години од љубов и љубопитност. Во јадењата во ресторанот користат исклучиво продукти кои ги одгледуваат сами: зеленчук, овошје, разни видови тревки како зачини, а сами го прават и својот леб и путерот.

Ресторанот е отворен пред две години, а цената на еден оброк е околу 60 долари.