Во неколкучасовна контрола во Гостивар казнети 45 возачи, на некои им е одземена и дозволата

СВР Тетово информира дека вчера (6 март) од 10 до 15 часот спроведена е сообраќајна акциска контрола за престигнување во која вкупно биле откриени и санкционирани 64 прекршоци (Тетово-19 и Гостивар-45). Најголемиот број од прекршоците се однесувале на престигнување на недозволени места.

На возачите прекршители им се изготвени предвидените поднесоци и тие ќе се соочат со парични глоби кои зависно од видот и карактерот на прекршокот се движат од 45 до 250 евра во денарска противвредност. На оние санкционирани со 250 евра времено ќе им бидат одземени и возачките дозволи од три месеци до една година, извести СВР.

При контролата, исто така, санкционирани се и 16 други видови прекршоци.