Во Сенокосе го испрскале со спреј и истепале додека работел

Вчеравечер ( 18 март )  околу 21 часот и 30 минути, 50-годишниот Р.К. од гостиварското село Сенокосе пријавил дека дента околу 14 часот и 20 минути во објектот во кој работел, влегле Н.Х.( 22 ) и В.Х.( 23 ) од Градец и по кусата вербална расправија со него, го испрскале со спреј во лицето, а потоа со метален боксирач неколку пати го удриле по главата, му нанесле видливи повреди и веднаш го напуштиле објектот.Од  удирањето, Р.К. паднал на подот, а кога се обидел да стане, повторно бил испрскан со спреј во очите, соопштува полицијата.

Двајцата напаѓачи, набрзо се пронајдени, лишени од слобода  и задржани во Полициската станица Гостивар за натамошно расчистување на случајот, по што ќе се соочат со поднесок.