Вооружен грабеж во обложувалница во Гостивар

Вчеравечер ( 25 февруари ), десетина минути пред полноќ, засега непознат сторител извршил разбојништво во спортската обложувалница, лоцирана на улица „Тоде Богдановски“ во Гостивар.

Како што информираат денес од Министерството за внатрешни работи, откако влегол со пиштол во едната рака и најлонско ќесе во другата, од вработениот двесет и три годишник од Гостивар, кој бил сам на шалтерот во објектот, побарал да му ги даде сите пари, а потоа со добиените пари набрзина се оддалечил, противпрарвно стекнувајќи се со вкупна имотна корист од 310 илјади денари.

По извршениот увид се превземаат мерки и активности за расветлување на пријавеното и за откривање на сторителот.