Времен сообраќаен режим и безбедност во летната туристичка сезона, теми на состанокот на Локалниот совет за превенција на Маврово Ростуште

Локалниот совет за превенција на општина Маврово и Ростуше одржа средба на која се дискутираше за актуелни прашања од јавниот ред и мир, сообраќајот и безбедноста на територијата на општината.

„На дневен ред на состанокот се најдоа точки за разгледување на безбедносната состојба во општината, мерките кои треба да се преземаат за справување со аномалиите кои би се случиле во текот на летната туристичка сезона, проблемите во сообраќајот како и јавниот ред и мир предизвикани од зголемениот број на граѓани во овој период од годината. Освен тоа, се дискутираше и за Одлуката за времено регулирање на режимот на сообраќајот во дел од населените места во општината, се` со цел да се олесни животот на сите наши граѓани“, информираат од општина Маврово Ростуше.

На состанокот своите мислења и ставови ги искажаа градоначалникот Медат Куртовски, кој претседава со Локалниот освет за превенција, претседателот на Советот на општината Алил Алили, командирите на полициските одделенија од Ростуше, Маврово, Жировница и Срезимир, командирот на противпожарна единица од Дебар, директори на јавни установи и претседатели на месни заедници.