Временска прогноза за новата работна недела

Времето денеска (понеделник) претпладне ќе биде променливо облачно, а попладне нестабилно со локален пороен дожд, грмежи и засилен ветер. На места ќе има поинтензивни процеси во форма на краткотрајно невреме со силен ветер и услови за изолирана појава на град. Температурата во гостиварскиот регион ќе биде во интервал од 11 до 23 степени Целзиусови.

Влијанието на циклонската активност од југозапад ќе услови времето и во следните денови од новата работна недела да се задржи претпладне сончево, а попладне променливо облачно на места со врнежи од дожд и грмежи. Локално процесите ќе бидат поинтензивни во форма на краткотрајно невреме со интензивен дожд, силен ветер, електрични празнења и појава на град.