За добро мезе или појадок: Бомбици со сончоглед и афион

Состојки:
200 мл. кисела вода
200 мл. масло
150 гр. сусам
200 гр. непечен, лупен сончоглед
2 мали лажички сол
30 – 50 гр. афион
500 – 550 гр. брашно

Подготовка:

​Во поголем длабок сад се ставаат сите состојки освен брашното. Смесата убаво се меша и постепено се додава брашното. Смесата која што треба да се добие не треба да е премногу сува ниту премногу течна, затоа брашното се става на крајот, за да се види колку ќе биде доволно.
Се вади тестото од садот и се продолжува да се меси на работна површина. Тоа треба да е меко и да не се лепи на рацете. Откако ќе биде убаво измесено, се прават форми по желба.

Може тоа да бидат бомбици, но може да се направат и штангли од исукана кора од тестото која не треба да е слаба, отприлика треба да е дебела 1 см.

Добиените форми се ставаат на хартија за печење во плех и се печат 30 до 40 минути на 200°Ц .

Неколку минути пред да се извадат од рерна се зголемува температурата на 250°Ц за бомбиците или штанглите да поруменат.