Загадување: Макрадули најави обезбедување на современи филтри за оџаците на 30 компании во Полошкиот регион

Заменик министерот за животна средина Јани Макрадули, најави дека во борбата против загадувањето на воздухот за полошкиот регион, Владата планира да обезбеди модерни филтри за оџаците на 30 компании кои загадуваат.  Иницијативата, како што рече, потекнала од Граѓанската Организација Еко Герила од Тетово.

„Оваа борба мора да ја водиме заеднички сите, и општините, државните институции, бизнис заедницата и граѓанските организации, и постојано мора да соработуваме. Тетово е град со сериозно загадување според резултатите на мерните инструменти, и ние на иницијатива на Граѓанската Организација Еко Герила, ќе инвестираме во Полошкиот регион во 30 компании, коишто се приватни, но сепак за жал загадуваат бидејќи отпадот од производот што го произведуваат, го користат за затоплување. Ние ќе интервенираме со модерни филтри за оџаците, кои што тие ќе ги користат”, изјави Макрадули.