Започнува У18 ФИБА турнирот во Скопје – гостиварецот Тома Стојаноски помеѓу 12-те репрезентативци

Дефиниран е изборот на играчи со кои македонската кошаркарска репрезентација У18 вечерва ќе настапи на претстојниот ФИБА турнир, во кој се најде и големиот талент на КК Гостивар, Тома Стојаноски.

Стојаноски ги има поминато сите младински репрезентатвни категории, а веќе и две години е во сениорскиот тим на КК Гостивар, тој е најмладиот кошаркар кој има дебитирано за првиот тим на гостиварци со неполни 16 години.

На списокот на селекторот Василев се најдоа имињата на 12. кошаркари кои ќе играат турнирот кој ќе се реализира во салата на СРЦ „Кале“ во Скопје.

Андреј Митревски, Филип Наков, Марин Петков, Никола Василевски, Резарт Мемед, Амар Хот, Тома Стојановски, Димитар Иванов, Мирослав Ѓорѓевиќ, Горазд Величковски, Теон Богатиновски и Павел Атанасов.

Во првото коло од натпреварите од групата „А“ од „Челенџерот“, денеска, нашите јуниори ќе ги одмерат силите со репрезентацијата на Хрватска. Утре ги чека дуел со репрезентацијата на Грузија, а потоа, на 5. август, и со топ-фаворитот – Шпанија, на 7. август ќе играме со Србија, а турнирот ќе го затворат со мечот против Германија, закажан за 8. август.

Согласно со распоредот, нашата јуниорска машка селекција сите натпревари на собирот во Скопје ќе ги игра со почеток од 21.часот.