Засилена контрола на мотоциклисти во Гостивар и Тетово, 30-тина казнети

Полициски службеници на СВР Тетово денеска (30 август) од 9 до 14 часот на поширокото тетовско-гостиварско подрачје спровеле засилена акциска контрола на мотоциклисти, во која вкупно биле откриени и адекватно санкционирани 28 прекршоци (Тетово-11 и Гостивар-17).

Најголемиот број од констатираните прекршоци (24) се однесувале на некористење заштитна кацига, односно шлем од мотоциклистите (ТЕ-8 и ГВ-16), 3 мотоциклисти управувале без потребната возачка дозвола, а откриени и санкционирани биле уште 6 други видови сообраќајни прекршоци.
Секторот за внатрешни работи Тетово уште еднаш со совет и апел до мотоциклистите целосно да ги почитуваат важечките сообраќајни знаци, правила и прописи, да не возат пребрзо, задолжително да користат заштитна опрема и да не создаваат голема бучавост, посебно во вечерните часови. До нив се апелира, исто така, пред да седнат на мотоцикл да ја посетат законски предвидната обука и да го положат возачкиот испит, зашто на тој начин најдиректно придонесуваат за својата лична и за безбедноста на другите учесници во сообраќајот.

СВР Тетово и во наредниот период ќе реализира вакви или слични контролни активности, со цел навреме да се откријат и отстранат од сообраќај технички неисправните мотоциклисти, пребрзите, пребучните и оние кои се движат без заштитните кациги.