Заврши сагата: Нема шампион, нема испаѓање од кошаркарската Прва лига

Кошаркарската федерација на Северна Македонија ја донесе конечната одлука за исходот на сезоната 2019/2020 која се прекина поради COVID-19 пандемијата. Управниот одбор на КФСМ ја потврди одлуката која ја донесоа кошаркарските клубови, нема победник во сезоната 2019/2020.

„По доставениот предлог до членовите на Управниот одбор и по спроведеното гласање од нивна страна, Управниот одбор на КФСМ со убедливо мнозинство донесе одлука за завршување на Првата лига во машка сениорска конкуренција да не се прогласи шампион за оваа натпреварувачка сезона, да нема испаѓање во понизок ранг на натпреварување и две екипи од Втората лига мажи да се промовираат во Првата лига за сезоната 2020/21“, се вели во официјалното соопштение од КФСМ.

КК Гостивар со оваа одлука ја завшува сезоната како третопласирана екипа на табелата.