Вести
Завршница на најнеобичната сезона во Лигата на шампионите
Откако на 4-ти септември во 1955-та година, по иницијатива на тогашниот уредник на францускиот магазин “L`Ekipa“ Габриел Аноа, фудбалска Европа започна да ги собира шампионите во своите земји во едно европско натпреварување, тогаш како Куп на шампиони, а подоцна како Лига на шампиони, вечерва ќе бидеме сведоци на завршницата на можеби најнеобичната сезона во најквалитетното европско фудбалско клубско натпреварување.
Париз Сент Жермен, еден од финански најмоќните клубови во Европа, кој никогаш го нема кренато трофејот од Лигата на шампионите, наспроти себе ќе ја има германската машинерија Баерн Минхен. Клубот, кој како петкратен европски шампион, покрај Реал Мадрид, Ајакс, Ливерпул и Милан во своите ветрини го има оргиналниот трофеј од Лигата на Шампионите, кој пак останува во трајна сопственост на клубот кој пет пати или три пати по ред ја освоил Лигата на европските шампиони.
Оваа сезона ќе остане запаметена по тоа што беше прекината поради пандемијата. Поради тоа, беше одлучено продолжението да биде одиграно во вид на завршен турнир во еден град Лисабон, без присуство на публика како дел од мерките за заштита од Ковид 19. Завршница која, покрај ова ќе ја паметиме по дебаклот на Барселона од вечерашниот финалист Баерн (8:2), по пресвртот во последните минути на ПСЖ против одличната Аталанта и елиминацијата во четвртфиналето на еден од главните фаворити за освојување на трофејот Манчестер сити од француски Лион.
Вечерва, на еден од најголемите фудбалски настани на планетава, едно од најголемите финалиња, ќе недостасува вообичаениот декор од навивачите, нивната безрезервна поддршка и фудбалска атмосфера која ја создаваат на стадионот и надвор од него.
Нам не ни преостанува ништо друго освен вечерва од 21:00 часот да уживаме во најдобриот европски фудбал, финалето од Лигата на шампионите и дуелот помеѓу ПСЖ и Баерн Минхен преку малите екрани.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот