Зошто новинарството се нарекува „седма сила“?

Една од главните изреки за новинарството и новинарите е дека тоа претставува „седма сила“. Секој од нас го слушнал овој израз, многумина и го употребиле, но дали знаеме што значи поимот и зошто новинарството се нарекува така?

Изразот потекува од времето на Француската револуција, кога новинарството било многу влијателно, па новинарите имале поголемо влијание и од политичарите врз општествените текови. Всушност, новинарството најпрво важело за петта сила, а тој епитет го наметнал  самиот Наполеон, кој ја сфатил важноста на медиумите за формирањето на јавното мислење.

Во тоа време постоеле четири големи европски сили: Франција, Велика Британија, Русија и Австрија. Со значењето кое Наполеон му го дал на новинарството, условите за дејствување и ослободување од цензурата, медиумите станале петтата сила. Како што се проширила моќта на две други земји во Европа, Германија и Италија, така новинарството се закотвило на седмото место по моќ и влијание. Оттогаш си го задржало називот: седма сила.

Друг симболичен израз кој се користи за медиумите и новинарството е четврта власт, после законодавната, судската и извршната.