17 март – Ден на крводарителството, Црвениот крст на РСМ одбележува 76 години постоење

Оваа година Црвениот крст на Република Северна Македонија одбележува значајни 76 години од своето основање и 26 години од полноправно членство во Меѓународната Федерација на друштвата на Црвен крст и Црвена полумесечина.

„ 17 март е значаен ден за Црвен крст на Република Северна Македонија, датум кој го одбележува постоењето, дејствувањето, а воедно и успехот на сите волонтери, вработени, поддржувачи и безброј активисти кои овозможија оваа организација да опстојува толку време низ годините. 17 март е воедно и Ден на крводарителството во Република Северна Македонија кога изразуваме благодарност кон армијата на хумани луѓе кои даруваат крв и со својата хуманост спасуваат човечки животи. Во текот на годината нашата организација ќе организира повеќе онлине настани на национално и локално ниво со цел да се потсетиме на предизвиците и успесите на организацијата на Црвениот крст во изминатите години“,  соопштуваат од Црвен крст.

Црвениот крст на Република Северна Македонија, организирше Свечен онлајн настан по повод 17 март.